Сохтмони Донишгоҳи давлатии Кӯлоб
Кӯлоб 22.11.2014 (АМИТ «Ховар», Сулаймони Хол).- Соли 2015-ум 70- солагии таъсисёбии Донишгоҳи давлатии Кулоб ба номи Абӯабдулло Рӯдакӣ таҷлил карда мешавад ва ба ин муносибат корҳои ободонию созандагӣ дар ин муассисаи таълимӣ босуръат идома дорад. Бо фармоиши Дирексияи сохтмонӣ иншооти ҳукуматии Дастгоҳи иҷроияи Президенти Ҷумҳурии Тоҷикистон барои донишгоҳи мазкур бинои нави 7 ошёна сохта шуда истодааст, ки ширкати сохтмонии «сад дарё» бо ҷалби беш аз 40 нафар мутахассисон ва техникаи муосири сохтмони то имрӯз корҳои оҳану бетониро пурра анҷом додаанд. Инак, шаш ширкати сохтмонии ватанӣ сохтмони ишоотро идома медиҳанд. ҶДММ «Шаҳриёрсохтмон» бо ҷалби беш аз 40 нафар сохтмончиён дар ошиёнаҳои дуюму сеюм ба сохтмони деворҳо оғоз кардаанд. Ба қавли муҳандиси ҷамъияти мазкур, Беҳрӯз Салоҳев Донишгоҳи давлатии Кулоб ба номи Абуабдулло Рӯдакӣ калонтарин муассисаи таълимӣ дар минтақаи Кулоб ба ҳисоб меравад ва баъди анҷоми бинои маъмурии он мушкилоти омӯзгорону донишҷӯён дар дастрасӣ ба утоқҳои корию дарсӣ ҳалли хешро пайдо мекунад. Ба гуфти масъулон бинои мазкур дар оғози соли таҳсили 2015 ба истифода супорида хоҳад шуд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
