Тарғиби тарзи ҳаёти солим дар Рӯзи Парчам

 
Душанбе, 24.11.2014. (АМИТ «Ховар», Мавҷуда Анварӣ). -Бахшида ба Рӯзи Парчами давлатӣ Агентии назорати маводи нашъаовар дар якҷоягӣ бо мактаби ҷумҳуриявии маҳорати олии варзишӣ оид ба варзиши сабуки Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар варзишгоҳи марказии шаҳри Душанбе мусобиқаи ҷумҳуриявӣ  оид ба варзиши сабукро баргузор намуданд.
Тибқи иттилои ин ниҳод, мақсади баргузор намудани чунин мусобиқа — ин ҷалб намудани наврасону ҷавонон  ба тарзи ҳаёти солим, дарёфти варзишгарони ҷавон барои иштирок дар мусобиқаҳои байналмилалӣ мебошад. 
Дар мусобиқаи мазкур 36 нафар варзишгари шаҳри Душанбе ширкат варзида, дар хотимаи он аз тарафи агентӣ бо туҳфаҳои хотирмон сарфароз гардонида шуданд.