Ташхиси аутизм ва дахолати саривақтӣ ҳангоми ҳолати аутистӣ

Душанбе, 29.11.2014 (АМИТ “Ховар”, Сабоҳат Қадамова).- Дирӯз давраи омӯзишии “Ташхиси аутизм ва дахолати саривақтӣ ҳангоми ҳолати аутистӣ ” ҷамъбаст гардид.
Дар  давраи омӯзишӣ  доктор Нарис Раҳмон, мутахассиси соҳаи аутизм аз Бангладеш, Нусрат Аҳмад, бунёдгузор ва роҳбари Маркази аутизми “Умед” дар Бангладеш ва Репе Таунсон, мутахассиси рушди нутқ аз Австралия, ҳамчунин намояндагон аз манотиқи ҷумҳурӣ ширкат варзиданд. 
Гуфта мешавад, ки давраи омӯзишии мазкур бо дастгирии Вазорати тандурустии мамлакат, Ташкилоти ҷаҳонии тандурустӣ, ЮНИСЕФ, Бунёди Мадад, меҳмонхонаи «Ҳаят Реҷенси» баргузор шуд.
Ҳадаф аз баргузории давраи омӯзишӣ ҷорӣ намудани усули ташхиси муосири аутизм “ADOS”(ташхиси аутизм тавассути мушоҳида) мебошад.
Мавриди зикр аст, ки давраи омӯзишӣ аз 24-ум то 28-уми ноябри соли равон дар Маркази “Вефа” доир гардид.