Вохӯрии ниҳоӣ барои дарёфти Ҷоми Тоҷикистон

 Душанбе,  10.11.2014 (АМИТ «Ховар»).- Дастаҳои «Истиқлол» — и  шаҳри  Душанбе  ва  «Регар — ТадАЗ» — и  шаҳри  Турсунзода  маротибаи  чорум барои дарёфти   Ҷоми  Тоҷикистон  дар  вохӯрии  ниҳоӣ  иштирок  менамоянд.
Тавре  ки  аз  Федератсияи  футболи  Тоҷикистон  хабар  доданд, дастаи  «Истиқлол»  дар  вохӯриҳои  нимниҳоӣ бо  ҳисоби 5:0 ва  1:1  бар дастаи «Саройкамар» ва дастаи «Регар — ТадАЗ»  бо  ҳисоби  0:1 ва 3 :1  бар  дастаи  «Хайр» — и   шаҳри  Ваҳдат  ғолиб  омаданд. Вохӯрии   ниҳоии   дастаҳои  «Истиқлол»  ва «Регар — ТадАз»  22  ноябр  дар Варзишгоҳи  марказии  ҷумҳурӣ  баргузор  мегардад.