Вохӯрии зиддимухаддиротӣ дар Хоруғ
Душанбе, 29.11.2014. (АМИТ «Ховар», Мавҷуда Анварӣ). — Кормандони Раёсати Агентии назорати маводи нашъаовар дар ВМКБ дар муассисаи таҳсилоти миёнаи умумии № 2-и шаҳри Хоруғ оид ба нашъамандӣ, нашъаҷаллобӣ ва оқибатҳои он дар ҷомеа байни сокинони маҳаллаҳо, хонандагон, падару модарон, донишҷуёни коллеҷи тиббӣ ва Донишгоҳи давлатии шаҳри Хоруғ вохӯрӣ баргузор намуданд.
Дар вохӯрӣ сардори РАНМН дар ВМКБ Муртазо Ҳайдарзода зикр кард, ки барои пешравии давлат ва ҷомеа ҳамаи мо бояд дастаҷамъона бар зидди гардиши ғайриқонунии маводи нашъаовар ва пешгирии нашъамандӣ саҳми худро гузорем.
Дар чорабинӣ аз тарафи Раёсати агентӣ ба 5 нафар хонандаи фаъоли муассисаи таҳсилоти миёнаи умумии №2 барои иштироки фаъолона дар самти мубориза бар зидди маводи нашъаовар ифтихорномаҳо супорида шуданд.