“Замзамаи баҳор”-туҳфа барои кӯдакон

Душанбе, 18.11.2014. (АМИТ “Ховар”, Зарангези Латиф).-Китоби тозанашри шоири шинохтаи бачагон Муродалӣ Собир таҳти унвони “Замзамаи баҳор” дар Китобхонаи бачагонаи ҷумҳуриявии ба номи Мирсаид Миршакар муаррифӣ шуд. Дар муаррифии китоб адибону хонандагони мактабҳои шаҳри Душанбе ширкат варзиданд.Гуфта мешавад, ки китоби мазкур шеъру таронаҳои дилнишин ва чистонҳоро дар бар мегирад. Шоир бо навиштаҳои рангину ҷолиби худ кӯдаконро ба ватандӯстиву ифтихор аз миллат, бо маърифат будану илм омӯхтан даъват менамояд.