Қоҳира: мулоқоти Абдувалӣ Комилов бо Мустафо Мадбулӣ

Душанбе, 9.12.2014 (АМИТ «Ховар»).- Дирӯз дар Қоҳира вазири маскан, хадамоти умумӣ ва шаҳрсозии Ҷумҳурии Арабии Миср Мустафо Мадбулӣ раиси Кумитаи меъморӣ ва сохтмони назди Ҳукумати Ҷумҳурии Тоҷикистон Абдувалӣ Комилов ва ҳайати ҳамроҳи ӯро ба ҳузур пазируфт. Дар мулоқоти мазкур масъалаҳои барқарорсозӣ ва густариши ҳамкории мутақобилан судманди ду ниҳоди мазкур дар заминаҳои меъмориву сохтмон ва масъалаҳои дигари мавриди эҳтимоми тарафайн баррасӣ гардиданд. Дар ин росто, ҷонибҳо дар бораи зарурати таъсиси комиссияи муштараки байниидоравии ҳамкорӣ изҳори назар карданд. Дар мулоқот Сафири Тоҷикистон дар Миср Хусрав Нозирӣ низ иштирок намуд.