Ҳамкории дуҷониба рушд меёбад

Душанбе,  08.12.2014. (АМИТ «Ховар»).- Чанде  пеш раиси Палатаи  савдо  ва  саноати  Тоҷикистон  Шариф  Саид бо президенти Палатаи  савдо  ва  саноати  шаҳри Перуҷии Италиё  Ҷорҷио Менкарони  мулоқот  анҷом дод.
Назар  ба  иттилои  ПСС ҶТ,  ҷонибҳо  масоили  ҳамкории  дуҷонибаи  тиҷоратию  иқтисодиро  мавриди  муҳокима  қарор  доданд.
Шариф  Саид зикр  намуд, ки  ҳанӯз  соли  2003 байни ПСС ҶТ ва Институти  миллии  савдои   хориҷии  Италиё  муносибатҳои  зич барқарор  шуда буданд. 13  сентябри  соли  2010  дар  шаҳри  Душанбе  баргузор гардидани ҳамоиши  аҳли тиҷорати  Италиё ва  Тоҷикистон воқеаи  муҳими  муносибатҳои   Тоҷикистону  Италиё  гардид. 
Ҷонибҳо  ҳамчунин  дурнамои  ҳамкорӣ  дар   бахши гидроэнергетика  ва  истихроҷи  маъданро  баррасӣ  намуданд.