Ҳамлаи ҷангиёни «Давлати исломӣ» ба дидбонгоҳи марзӣ

Душанбе,03.12.2014. (АМИТ «Ховар», Иброҳими Ҳабибуллоҳ).- Вазирони умури хориҷаи 28 кишвари узви паймони НАТО дар Брюссел баъд аз мулоқоти худ дар эъломияе гуфтанд, ки “онҳо ҳамчунин аз нақшаҳои эълонкардаи Русия дар бораи ҳузури бештари низомиаш дар Баҳри Сиёҳ нигаронанд”. Онҳо Маскавро барои “барҳам задани суботи вазъ дар шарқи Украина” ва барои ҳузури низомиаш дар Қрим маҳкум намуданд. Душанбе,03.12.2014. (АМИТ «Ховар»).- Мувофиқи иттилоъ нахуствазири Ӯзбекистон Шавкат Мирзиёев воридот, фурӯш ва истифода аз ҳавопаймоҳои бесарнишинро дар кишвари Ӯзбекистон мамнуъ эълон кард. Сабаби ин тасмим масъалаҳои амниятӣ, парвозҳо ва пешгирӣ аз парвози ҳавопаймоҳои бесарнишин дар фазои Ӯзбекистон арзёбӣ шудааст. Ин гузориш ба матбуоти давлатӣ, мақомоти расмӣ ва хориҷи кишвар расонида мешавад. Душанбе,03.12.2014. (АМИТ «Ховар»).- Ба иттилои рӯзномаи “Ас-Сафир”-и Ҷумҳурии Лубнон мақомоти амниятии миллии Лубнон зану писари Абубакр Бағдодӣ-раҳбари гурӯҳи тундрави «Давлати Исломӣ»-ро боздошт кардаанд. Гуфта мешавад, ки зану писари Бағдодӣ ҳангоми гузаштан аз марзи Сурия ба Лубнон боздошт шудаанд. Душанбе,03.12.2014. (АМИТ «Ховар»).- Мувофиқи иттилои Би-Би-Си шаби гузашта чангиёни «Давлати исломӣ» ба дидбонгоҳи назоратии марзи миёни Ироқ ва Сурия ҳамла намуда, 15 марзбони ироқиро ба ҳалокат расониданд ва чанд каси дигар захм бардошт. Гуфта мешавад, ки чангиён кӯшиш доштанд, ки сарҳади вилояти Анбари Ироқро убур карда, ба ҳудуди Сурия ворид шаванд. Душанбе,03.12.2014. (АМИТ «Ховар»).- Дар қисми ҷанубии Фаронса чанд рӯз боз бориши пай дар пайи борон ва обхезии шадид идома дорад. Бар асари офати табиӣ 5 нафар ба ҳалокат расида,чанд каси дигар беному нишон мондааст. Бо мақсади пайдо намудани шахсони бедаракгардида гурӯҳи махсус таъсис дода шудааст. Гуфта мешавад, ки минтақаҳои зарардида, шаҳри Пирени ва Атлантики мебошанд. Кормандони Хадамоти наҷотдиҳӣ ва ҳолатҳои фавқулода беш аз 3,5 ҳазор сокини минтақаҳои зарардидаро ба ҷойҳои бехавф интиқол додаанд.