Ҷаласаи беҳтар намудани фазои сармоягузорӣ дар Хуҷанд
Душанбе, (АМИТ “Ховар” Рафоати Абдулҳамид).- Имрӯз дар Кохи Рӯдакии шаҳри Хуҷанд таҳти раёсати раиси вилоят Абдураҳмон Қодирӣ ҷасалаи шашуми Шӯрои машваратии назди раиси вилояти Суғд оид ба беҳтар намудани фазои сармоягузорӣ баргузор гардид.
Дар кори ҷаласа асосан се масъала, ворид намудани тағйиру иловаҳо ба фаъолияти Шӯро, вазъ ва дурнамои истифодаи манбаъҳои барқароршавандаи энергия дар вилояти Суғд ва муайянсозии масъалаи асосии рӯзномаи ҷаласаи ҳафтуми Шӯро мавриди баррасӣ қарор гирифт, ки дар ҷараёни он роҳбарони сохторҳои вилоятии марбути соҳа, намояндагони ташкилотҳои байналхалқӣ, ассотсиатсияҳои тиҷоратӣ ва дигар шахсони дахлдор иштирок намуданд.
Роҳбари вилоят зикр дошт, ки фаъолияти мунтазами Шӯрои машваратӣ дар партави сиёсати Президенти Ҷумҳурии Тоҷикистон Эмомалӣ Раҳмон ба роҳ монда шуда, ҳадаф аз он тақвияти муносибати сохторҳои хусусӣ ва давлатӣ ва ба ин васила беҳтар намудани фазои сармоягузорӣ ба ҳисоб меравад.
Бо мақсади ҷалби бештари сармоягузорӣ дар вилоят имтиёзҳои гуногун рӯи кор оварда шудаанд ва ба ин васила аз оғози сол то ба имрӯз ба вилоят наздики 230 миллион доллари амрикоӣ сармоягузорӣ ҷалб шудааст, ки ин нишондод назар ба ҳамин давраи соли гузашта 2,6 маротиба бештар мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






