4 медали варзишгарони наврас дар Кипр
Душaнбе, 8.12.2014. (АМИТ “Ховар”, Ситораи Боймурод).- Варзишгарони тоҷик дар мусобиқаи қаҳрамонии самбои ҷаҳон миёни наврасони 14-16-сола, ки дар шаҳри Лимассоли Кипр баргузор гардид, 4 медал (2 нуқра ва 2 биринҷӣ) ба даст оварданд.
Тавре ки дар ин бора сомонаи Кумитаи миллии олимпӣ хабар додааст, дар сабқати писарон Илҳомҷон Ҳофиззода (дар вазни 66 кг) ва Хуршед Маҷидов (+84 кг) бо медалҳои нуқра, Ҷамолиддин Абдуллоев (55 кг) бо медали биринҷӣ сарфароз гаштанд. Инчунин дар сабқати духтарона Шоҳида Қаландарова дар вазни 56 кг бо медали биринҷӣ мукофотонида шуд.
Гуфта мешавад, ки дар сабқати ҷаҳонӣ байни наврасон шарафи Тоҷикистонро Каюмарс Норов (51 кг), Ҷамолиддин Абдуллоев (55 кг), Муҳаммадшо Беков (59 кг), Илҳом Ҳофиззода (66 кг), Муҳаммадризо Қурбонов (84 кг) ва Хуршед Маҷидов (+84 кг), инчунин миёни духтарон Шоҳида Қаландарова (56 кг) ҳимоя карданд. Дар сабқати ҷаҳонии донишҷӯён, ки рӯзҳои 7- 8-уми декабр баргузор мешавад, Тоҷикистонро Ардашер Исмоилов (вазни 52 кг), Суруш Каримов (74 кг), Рашид Зиёбеков (82 кг) ва Хуршед Маҷидов (100 кг) намояндагӣ мекунанд.
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
Имрӯз дар Тоҷикистон ҳавои тағйирёбанда дар назар аст
