Ба пойтахт троллейбусу автобусҳо ворид шуданд

    Душанбе, 23.12.2014.(АМИТ “Ховар”, Марзия Саидзода).- Ба пойтахт  15  адад троллейбуси тамғаи Тролза 5275.03 “Пойтахт”, 15 адад мошинтаҷҳизоти троллейбуси тамғаи мазкур, ки дар Корхонаи воҳиди давлатии “Насби нақлиёти барқӣ (троллейбус) ва велосипед” насбу барқарор гардидаанд, инчунин 50 автобуси тамғаҳои “ЛиАЗ-525653    ва 60 автобуси “ПАЗ-320402-05” ворид шуданд. Ин воситаҳои нақлиёт дар асоси қарори раиси шаҳри Душанбе барои истифода ба тавозуни корхонаҳои коммуналии воҳиди давлатии шаҳри Душанбе вобаста ба нақлиёт гузаронида мешаванд.
   Бояд тазаккур дод, ки воситаҳои нақлиёти мазкур дар асоси қарордоди қаблан басташудаи шаҳрдории Душанбе бо  Ҷамъияти дорои масъулияти маҳдуди «Тролза-Маркет»-и шаҳри Энгелси Русия ва Ҷамъияти дорои масъулияти маҳдуди «Русские Автобусы-Группа ГАЗ»-и Русия ба пойтахт ворид шудаанд.