Даргузашти генерал Суҳроб Қосимов

Душанбе, 16.12.2014. (АМИТ «Ховар», Лайло Тоирӣ). — Имрӯз генерал-майор Суҳроб Қосимов пас аз бемории тӯлонӣ дар шаҳри Душанбе вафот кард.Бино ба гуфтаи наздикони Суҳроб Қосимов мавсуф дар шаҳри Маскави Русия низ табобат гирифта буд.Ба гуфтаи наздикон, генерал субҳи имрӯз, 16-уми декабр тахминан соати 6 аз олам даргузашт. Ӯ гирифтори бемории саратони мағз будааст.Маросими ҷанозаи Суҳроб Қосимов соати 13:00 дар масҷиди марказии шаҳри Душанбе баргузор мешавад. Ҷасади марҳум дар деҳаи Оқсӯи ноҳияи Данғара ба хок супурда хоҳад шуд. Суҳроб Қосимов то соли 2007 фармондеҳи Бригадаи зудамали таъйиноти махсуси ВКД буд, ки дар моҳи марти ҳамон сол ба истеъфо рафт.Аз ҷумла, мавсуф чандин сол роҳбарии Федератсияи футболи Тоҷикистонро ба уҳда дошта, соли 2012 аз ин вазифа барканор шуд. Суҳроб Қосимов 2-юми сентябри соли 1961 дар ноҳияи Совети вилояти Хатлон зода шудааст.Соли 1980 ба Донишкадаи давлатии педагогии шаҳри Маскав ба номи Ленин дохил шуда, соли 1985 онро хатм мекунад.