«Фаъолияти иқтисодии хориҷии Ҷумҳурии Тоҷикистон» -маҷмӯаи оморӣ
Душанбе, 3.12.2014. (АМИТ «Ховар», Покизаи Шодмон). — Дар маҷмӯаи оморӣ оид ба фаъолияти иқтисодии хориҷии Ҷумҳурии Тоҷикистон дар солҳои 2009-2013 маълумотҳо пешниҳод шудаанд.
Аз рӯи иттилои Агентии омори назди Президенти Ҷумҳурии Тоҷикистон дар китоби мазкур дар бораи содирот, воридоти мол ва хизматрасонӣ барои якчанд сол бо тақсимоти ҷуғрофии мамлакатҳо ва минтақаҳо, динамикаи гардиши савдои хориҷӣ, содирот, воридот аз рӯи мамлакатҳои ИДМ ва дигар мамлакатҳои ҷаҳон; оид ба содироту воридоти хизматрасониҳои байналхалқӣ аз рӯи намуд ва мамлакатҳо, дар бораи фаъолияти корхонаҳои муштарак, сармояҳои мамлакатҳои хориҷи наздик ва дур маълумотҳо оварда шудаанд.
Бояд гуфт, ки манбаи маълумотҳо иттилооти пешниҳодкардаи Хадамоти гумруки назди Ҳукумати Ҷумҳурии Тоҷикистон, корхонаҳо ва ташкилотҳои ҷумҳурӣ, ки субъектҳои фаъолияти иқтисодии хориҷӣ мебошанд, ба шумор меравад.