«Ганҷи сухан»-ҷамъбасти солонаи маҳфил

Душанбе, 19.12.2014. (АМИТ «Ховар», Раъно Нусратуллозода).-Дар  факултаи филологияи тоҷики Донишгоҳи давлатии Хуҷанд (ДДХ) ба номи академик Б. Ғафуров бо иштироки устодон ва донишҷӯён нишасти 123-юми маҳфили илмӣ — адабии «Ганҷи сухан» доир гардид. 
Тавре ки аз ДДХ иттилоъ доданд, дар маҳфил роҷеъ ба навгониҳои илмиву адабӣ дотсенти кафедраи адабиёти классикии донишгоҳ Тоҷибой Султонӣ дар мавзӯи «Навгониҳои илмию адабӣ» ва адабиётшинос  Мубашшири Акбарзод дар мавзӯи «Нигоҳи иқтисодӣ ба «Гулистони навин» маърӯза карданд. Дотсент Саидумрон Саидов дар бораи ҷамъбасти фаъолияти  маҳфили «Ганҷи сухан» дар соли 2014 ва нақшаҳо барои соли 2015 маълумот дод. 
Иштирокдорони нишаст, аз ҷумла шоир Неъмат Оташ, раиси Шӯрои уламои дини вилоят Ҳоҷӣ Ҳусайн Мӯсозода, масъули сафорати Эрон дар шаҳри Хуҷанд  Масъуди  Аҳмадванд андешаҳои хешро бобати беҳтар намудани мазмуну муҳтавои маҳфили «Ганҷи сухан» баён намуданд.