Хаҷми хизматрасонии пулакӣ ба аҳолӣ дар Тоҷикистон 9 млрд сомониро ташкил дод

Душанбе, 19.12.2014. (АМИТ «Ховар», Покизаи Шодмон ). — Ҳаҷми хизматрасонии пулакӣ ба аҳолӣ дар Тоҷикистон, дар ёздаҳ моҳи соли ҷорӣ, тавассути ҳамаи каналҳои фурӯш 9 миллиард сомониро ташкил дод, ки ин 1,3% бештар аз ҳамин давраи соли гузашта аст.Бино ба маълумоти Агентии омори назди Президенти Ҷумҳурии Тоҷикистон, ба корхонаҳо ва ташкилотҳои расман ба қайд гирифташуда хизматрасонии пулакӣ ба маблағи беш аз 4,7 миллиард сомонӣ расонида шуд, ки 52,2% аз ҳаҷми умумии хизматрасониро ташкил медиҳад. Дар моҳҳои январ — октябри соли ҷорӣ, ҳаҷми хизматрасонии пулакӣ ба ҳар сари аҳолии шаҳри Душанбе, дар муқоиса бо дигар вилоятҳо бартарият дорад. Ҳамин тариқ, ҳаҷми хизматрасонии пулакӣ дар Душанбе 5,1 маротиба баландтар аз нишондиҳандаи миёнаи ҷумҳуриявӣ аст.Барои корхонаҳои расман ба қайд гирифташуда ҳаҷми хизматрасонии пулакии аҳолӣ аз ҷониби ташкилотҳое мисли вазорати мудофиа (60,3%), Чамъияти ронандагон (43,5%), Вазорати энергетика ва захираҳои обӣ (33,2%), Вазорати молия (24,1%), хадамоти алоқа (19,4%), Вазорати нақлиёт (7,3%) кам шудааст.Моҳи ноябри соли 2014 хизматрасонии пулакӣ ба аҳолӣ дар ҳаҷми 832,3 млн. сомонӣ расонида шуд, ки 5,1% камтар аз моҳи ноябри соли 2013 аст.