Ирсол ва воридшавии номаҳои табрикӣ ба муносибати фаро расидани Соли Нави мелодӣ

Душанбе, 31.12.2014 (АМИТ «Ховар»).-Ба муносибати фаро расидани Соли Нави мелодӣ аз номи Президенти мамлакат мӯҳтарам Эмомалӣ Раҳмон ба унвони сарварони мамолики Аврупо, Шарқи Дуру Наздик, Осиё, кишварҳои Амрикои Шимолӣ ва Ҷанубӣ, Африқо, давлатҳои аъзои Иттиҳоди Давлатҳои Мустақил, инчунин роҳбарони созмонҳои бонуфузи байналмилалӣ, минтақавӣ ва шахсиятҳои бузурги хориҷӣ номаҳои шодбош ирсол гардиданд. Дар онҳо зимни табрикоти самимӣ ба роҳбарият ва мардуми ин кишварҳо орзуҳои беҳтарин иброз гаштааст.Ҳамзамон ба ин муносибат ба унвонии Президенти Ҷумҳурии Тоҷикистон аз номи Сарварони давлатҳо ва ҳукуматҳои ҷаҳон, роҳбарони созмонҳои байналмилалӣ ва минтақавӣ низ номаҳои шодбош расиданд. Ворид гаштани табрикоти солинавӣ ба номи Сарвари давлат идома дорад.