Иштироки маъюбон дар ярмаркаи зимистони косибон

Декабрь 8, 2014 12:16

Душанбе,  08.12.2014. (АМИТ «Ховар»,  Марҳабои  Азамат).- 6  ва  7  декабр  дар Маркази  исмоилияи шаҳри  Душанбе  бахшида ба Рӯзи байналмилалии  маъюбон  ярмаркаи  зимистонаи  косибон баргузор гардид. 
Дар  ярмаркаи  дурӯзаи  косибон, ки  онро Иттифоқи   косибони  Тоҷикистон  зимни  ҳамкорӣ бо  созмони  ҷамъиятии Сеsvi — и Италиё ва  Маркази  фарҳанги  «Бохтар» созмон  дода буд,   беш  аз  50  нафар косибон  аз  гӯшаҳои гуногуни   кишвар,  аз ҷумла косибони  маъюб ширкат  доштанд.
Тамошобинони  ярмарка, ки дар  байни онҳо  бисёр  сокинони  Душанбе  ва меҳмонони  хориҷӣ ҳузур  доштанд,  бо маҳсулоти  гуногуни  косибӣ аз  ҷумлаи  ҷӯробу тоқиҳои  помирӣ,  сӯзанию  чаканҳои хатлонӣ,  рахти  хоб, кордҳои машҳури ӯротеппагӣ ва  маснуоти заргарии  косибони гӯшаҳои  мухталифи  кишвар шинос шуданд.
Назар  ба  гуфтаи  ташкилкунандагони ин  чорабинӣ, Рӯзи  байналмилалии  шахсони  имконияташон  маҳдуд, ки ҳар  сол  3  декабр таҷлил  мешавад, дар  Тоҷикистон  бори  нахуст якҷоя  бо  ярмаркаи ҳарсолаи   зимистонаи  косибон  қайд  гардид. 
«Мақсади  асосии  ташкилкунандагони  чорабинӣ ноил шудан  ба тамоюлҳои  мусбат  барои  дарки  мушкилоти  шахсони  имкониятҳояшон  маҳдуд,  бештар воқиф  намудани  табақаҳои  васеи  аҳолӣ,  аз ҷумла  ҷавонон аз  дастовардҳои  мо  ба туфайли  ҷалби   шахсони  имкониятҳояшон  маҳдуд  дар   бахшҳои  мухталифи  ҳаёти  сиёсӣ,  иҷтимоӣ ва иқтисодию   фарҳангӣ буд», —  гуфт  яке  аз  созмондиҳандагони  ярмарка,     раиси  Созмони  ҷамъиятии  «Лигаи занони маъюб», —  Саида  Иноятова.

Декабрь 8, 2014 12:16

Хабарҳои дигари ин бахш

Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Имрӯз дар Тоҷикистон ҳавои камабри бебориш пешгӯӣ мешавад
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид