Ислоҳот вобаста ба беҳтарнамоии фазои сармоягузории Тоҷикистон

Душанбе, 18.12. 2014. (АМИТ “Ховар”, Фарзонаи Давлат).- Имрӯз дар Кохи “Ваҳдат” оид ба муаррифии натиҷаҳои ислоҳот вобаста ба беҳтар намудани фазои сармоягузорӣ ва соҳибкорӣ дар Тоҷикистон мизи мудаввар баргузор гардид.Дар кори конфронс намояндагони бахшҳои давлатӣ, бахшҳои хусусӣ, шарикони рушд ва коршиносони соҳа иштирок ва вобаста ба мавзӯи мазкур маърӯза карданд.Нигина Анварӣ, муовини раиси Кумитаи давлатии сармоягузорӣ ва идораи амволи давлатии Тоҷикистон дар конфронс иброз дошт, ки дастгирии соҳибкорӣ, рушди бахши хусусӣ ва ташаккули фазои мусоид барои сармоягузорӣ аз самтҳои муҳими фаъолияти Кумитаи сармоягузорӣ ва идораи амволи давлатӣ ба шумор меравад.Ҳамчунин зикр гардид, ки мақсади чорабинӣ муаррифии натиҷаҳои ислоҳоти соли ҷорӣ, ки дар доираи фаъолияти Шӯрои машваратӣ татбиқ гардиданд, мебошад, ки бо ин мақсад дар соли равон бо ташаббуси Кумитаи мазкур якҷоя бо вазорату идораҳои дахлдор ва бахшҳои хусусӣ дар доираи фаъолияти Шӯрои машваратӣ Қонуни Тоҷикистон “Дар бораи ҳимоя ва дастгирии давлатии соҳибкорӣ” дар таҳрири нав бо истифода аз таҷрибаи байналмилалӣ ва марҳилаи дуюми «Барномаи дастгирии давлатии соҳибкорӣ барои солҳои 2012-2020» барои се соли оянда, яъне солҳои 2015-2017 қабул гардида, мавриди амал қарор дорад.