«Истиқлол» ва «Хайр» барои Ҷоми КФО -2015 қувваозмоӣ мекунанд

Душанбе,  01.12.2014. (АМИТ «Ховар»).- 29  ноябр  Кумитаи  иҷроияи  Конфедератсияи  футболи  Осиё  дар  пойтахти  Филиппин   шаҳри  Манила  тасмими  кумитаи   мусобиқоти КФО — ро  дар  бораи  тақсими  ҳиссаи   кишварҳои  иштироккунандаи Лигаи  қаҳрамонон  ва Ҷоми  КФО  тасдиқ  намуд. 
Назар  ба  хабари Федератсияи  футболи  Тоҷикистон,  кишвари  моро  барои  дарёфти  Ҷоми  КФО  дастаи «Истиқлол» — шаҳри  Душанбе  ва  дастаи  «Хайр» —  и  шаҳри  Ваҳдат  намояндагӣ  мекунанд. 
Қаҳрамони  кишвар  ва ҷоизи Ҷоми миллат   дастаи «Истиқлол» — и  Душанбе  қувваозмоиро  аз   марҳалаи  гурӯҳии  мусобиқот  оғоз   менамояд.
Дастаи  «Хайр»  барои   ворид  шудан  ба  марҳалаи  гурӯҳӣ  бояд ду  ғалаба ба  даст орад. Дар  даври  дуюми  мусобиқот  қаҳрамони  Бангладеш  дастаи «Шайх» Ҷамол» ҳарифи   дастаи  «Хайр  мегардад, ки  вохӯрии онҳо  10  феврал дар  шаҳри  Душанбе баргузор  мешавад. Клуби  шаҳри  Ваҳдат  дар  сурати   пирӯзиаш  дар  даври   сеюми ҳалкунанда  17  феврал  бо ҷоизи Ҷоми  Лубнон  дар  соли 2014  клуби  «Салам Ҷҳарта» қувваозмоӣ  менамояд.