Италиё хоҳони хариди фулузоту сангҳои қиматбаҳои Тоҷикистон аст

Душанбе,  03.12.2014. (АМИТ «Ховар»,  Покизаи  Шодмон ).-  2  декабр раиси  Палатаи  савдо  ва  саноати  Тоҷикистон  Шариф  Саид  дар  шаҳри  Перуҷи  Италиё бо  директори  генералии  ширкати «Конфиндустрия  Умбрия»,  раиси  Иттиҳодияи   саноатчиёни  Италиё  Аурелио Форсигнано мулоқот  анҷом дод.
Тавре  ки  аз  ПСС  ҶТ ба  АМИТ «Ховар»  хабар  доданд, Шариф  Саид  дар  ҷараёни  мулоқот   самтҳои  асосии  фаъолияти  палата  ва   имконоти  иқтисодии  кишварро баён  кард.
Ба   бахши   иқтисодиёти   ширкатҳои  косибӣ  таваҷҷуҳи  хоса   зоҳир  шуда,   зикр  гардид, ки  барои   истихроҷу  истеҳсоли  ашёи  хом  ва  маводи  мухталиф  аз ҷумлаи фулӯзоту  сангҳои  қиматбаҳо  ва  моддаҳои  минералӣ имкониятҳои  зиёде  мавҷуданд. Ба  Италиё  ворид  намудани  маводи  зикршуда  аз ҷумлаи  ҳамкории муфид  дониста  шуд.
Ҳамчунин   зикр  шуд, ки  Италиё хоҳони  хариди фулузоту  сангҳои  қиматбаҳои Тоҷикистон  аст.