Кӯлоб: Вазъи ҷамъоварии андоз муътадил аст

  Кӯлоб, 17.12.2014. (АМИТ «Ховар», Сулаймони Хол).-Ба иттилои сардори нозироти андози шаҳри Кӯлоб Фаррух Давлатшоев дар давоми 11 моҳи соли ҷорӣ 12 навъи сарчашмаи андоз пурра  ба анҷом расида, ба ҷои 32 млн 147 ҳазору 556 сомонии нақша  36 млн 586 ҳазору 990 сомонӣ  иҷро гардид, ки ин 113,8 %-и нақшаро дар бар мегирад. Ба гуфтаи манбаъ, ҷиҳати кам кардани бақияпулиҳо  ва сари вақт пардохт кардани андозҳо аз тарафи прокуратураи ноҳия ба андозсупорандагон  амрномаҳои хаттӣ дода шуда,  ба ин восита  ба буҷет 550 ҳазор сомонӣ маблағи андоз ворид гардид.  Мавриди зикр аст, ки дар ин давом  238 нафар  шахси мансабдор ва воқеӣ, ки ба қонуншиканӣ роҳ додааст,  224 ҳазору 091 сомонӣ ҷарима шуд.