«Кафши булӯрин» барои фарзандони кормандони милитсия
Душанбе, 30.12.2014. (АМИТ «Ховар», Муқаддас Темурзода).- Бахшида ба ҷашни Соли нави мелодӣ дирӯз дар Театри опера ва балети ба номи Садриддин Айнӣ чорабинии идона барои фарзандони кормандони милитсия ва фарзандони кормандоне, ки ҳангоми адои вазифа фавтидаанд, баргузор гардид.
ВКД ҶТ хабар медиҳад, ки кӯдакону наврасон дар гирди арча шеърҳои зиёдеро дар васфи арча, Соли нав, бобои барфӣ ва барфак қироат карданд ва ин бори дигар аз дониши хубу таълими ҳамаҷониба доштани онҳо дарак дод. Саҳначаи ҷолибе, ки дар ин рӯз манзури онҳо гардид, «Кафши булӯрин» ном дошт. Қаҳрамонҳои ин намоиш ончунон нақш офариданд, ки бо лафзи ширин ва ҳунарнамоии худ дили ҳар як бинандаи хурдсолро тасхир намуданд.
Аҳли толор барои чунин як туҳфаи солинавӣ ба қаҳрамонҳои намоиши мазкур изҳори сипос карданд.
Дар хотимаи намоиши театрикунонидашуда аз ҷониби роҳбарияти Вазорати корҳои дохилӣ ба фарзандони кормандони милитсия ва фарзандони он кормандоне, ки ҳангоми адои вазифа фавтидаанд, туҳфаҳои идона тақдим гардиданд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
