Конфронс оид ба қонунгузории мурофиавии ҷиноятӣ
Душанбе, 03.12.2014. (АМИТ «Ховар», Муқаддас Темурзода).-Имрӯз бо ташаббуси Вазорати корҳои дохилӣ дар маҷмааи давлатии «Душанбе-Плаза» дар мавзӯи «Дастовардҳо, мушкилот ва дурнамои инкишофи қонунгузории мурофиавии ҷиноятии Ҷумҳурии Тоҷикистон» конфронси илмӣ-амалии байналмилалӣ ба кор оғоз намуд.
Тавре ки ВКД ҶТ хабар медиҳад, дар конфронс муовини вазири корҳои дохилӣ Умарзода Икром Ислом, раиси Суди Олии Ҷумҳурии Тоҷикистон Нусратулло Абдуллозода, муовини аввали Прокурори генералии Ҷумҳурии Тоҷикистон Абдуқодир Муҳаммадиев, намояндагони мақомоти ҳифзи ҳуқуқ, сохторҳои қудратӣ, сафоратҳо, ташкилоту созмонҳои байналмилалӣ, олимони Ҷумҳурии Тоҷикистон, Иттиҳоди Давлатҳои Мустақил, Академияи ВКД Беларус, намояндагони адвокатура ва дигар ташкилотҳои ҷамъиятӣ иштирок доштанд.
Сардори Академияи Вазорати корҳои дохилӣ Маҷидзода Ҷӯрахон Зоир зикр кард, ки ҳадафи баргузории конфронс — ин таҳлил намудани масъалаҳои мураккаби мурофиаи ҷиноятӣ мебошад.
Бояд зикр намуд, ки конфронси имрӯза бо дастгирии Ассотсиатсияи ҳуқуқшиносони амрикоӣ дар Тоҷикистон ва Созмони амният ва ҳамкорӣ дар Аврупо баргузор гардид.
Конфронси мазкур баъди қабули Кодекси мурофиавии ҷиноятии Ҷумҳурии Тоҷикистон пас аз панҷ сол бори аввал доир шуда, мавзӯъҳои он муҳим ва саривақтӣ мебошанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






