Конфронси илмӣ бахшида ба Меҳргон
Душанбе, 3.12.2014. (АМИТ «Ховар», Назири Назир).- 1 декабри соли ҷорӣ дар муассисаи таҳсилоти умумии № 93-и шаҳри Душанбе конфронси илмӣ бахшида ба ҷашни Меҳргон баргузор гардид. Сармутахассиси Маркази ахбори экологии Кумитаи ҳифзи муҳити зисти назди ҳукумати Ҷумҳурии Тоҷикистон Сабоҳат Мирзоева ва мутахассисони Агентии маводи нашъаовари назди Пезиденти Ҷумҳурии Тоҷикистон Наргис Алиёрова ва Нурмуҳаммад Сафолов дар мавриди ҷпшн сухан гуфтанд. Тибқи тартиби барнома ду маърўза аз ҷониби муовини директор оид ба корҳои тарбиявӣ М. Қосимова ва муаллимаи фанни химия ва биология З. Раҷабова доир ба таърих ва муҳимияти иди Меҳргон ҷиҳати қадр намудани арзишҳои эътирофгардидаи ниёгон, амсоли эҳтиром доштан ба табиат ва паҳлўҳои дигари ин ид шунида шуд. Дар интиҳо ғолибон муайян гашта, соҳиби туҳфаҳо ва ифтихорномаҳо гардиданд.