Маблағҳои БАРТ барои беҳдошти роҳҳои Тоҷикистон

 
Душанбе,  24.12.2014. (АМИТ «Ховар»).- Бонки аврупоии рушд ва тавсеа (БАРТ) ва мададгорони ҷаҳон барои  тармими  таъхирнопазири  роҳҳои  мошингарди  кишвар  беш  аз  5  миллион  доллари  ИМА  ҷудо  кардаанд. 
Тавре  ки  аз  намояндагии  БАРТ  дар  Тоҷикистон хабар  доданд, маблағи  қарзӣ иборат  аз 2  миллиону 540  ҳазор  доллари  ИМА ва қарзҳои  бебозгашт  баробар 2  миллион  доллар  имкон  медиҳанд, ки лоиҳаи  тармими  роҳҳо  муваффақона дар  амал татбиқ  карда  шавад. 
Маблағҳои барои Ҷумҳурии  Тоҷикистон  ҷудокардашуда ҷиҳати   хариди  грейдеру  экскаваторҳо, мошинҳои  боркаш,  таҷҳизоти  озмоишгоҳҳо  ва техникаи   дигар истифода  мешаванд.
Вақтҳои наздик  татбиқи  боз  як лоиҳаи  бахши роҳҳои  мошингард оғоз  меёбад. Тоҷикистон  дар  асоси  ин  лоиҳа  барои  таҷдиду  навсозии  роҳи мошингард аз шаҳри  Душанбе  то  сарҳади  Ӯзбекистон 35  миллион  доллари  ИМА  мегирад.