Муҳокимаи масоили ҳамкории минтақавӣ
Душанбе, 01.12.2014. (АМИТ «Ховар», Лайло Тоирӣ).- Чанд рӯз пеш сафири Тоҷикистон дар Федератсияи Русия Имомуддин Сатторов ва губернатори вилояти Свердловск Евгений Куйвашев дар шаҳри Екатеринбург масоили рушду густариши ҳамкории минтақавии Тоҷикстон ва вилояти Свердловскро мавриди муҳокима қарор доданд.
Назар ба хабари сафорати ҶТ дар ФР, губернатори вилоят зикр намуд, ки зарурати роҳандозии табодули мунтазами иттилоот аз рӯи масоили танзими раванди муҳоҷирати меҳнатӣ ба миён омадааст. «Гап дар бораи табодули маълумот дар бораи вазъи бозори меҳнати вилояти Свердловск ва мутахассисони тоҷикистоние меравад, ки курсҳои тарбия ва такмили ихтисосро хатм кардаанд. Ҳамаи ин имкон медиҳад, ки ҷониби Тоҷикистон бо назардошти эҳтиёҷоти вилоят пешниҳодҳои мушаххасро ироа намояд», — гуфт Евгений Куйвашев.
Дар ҷараёни мулоқот зикр шуд, ки соли 2013 муомилоти моли байни вилояти Свердловск ва Тоҷикистон 25 миллион доллари ИМА — ро ташкил дод.
Имомуддин Сатторов дар навбати худ аз рушди имрӯзаи Тоҷикистон ва сиёсати дохилию хориҷии он нақл кард. Сафири Тоҷикистон зикр намуд, ки сатҳи баланди имрӯзаи ҳамкории Тоҷикистону Русия натиҷаи ҳамкории судманди стратегӣ ва муносибатҳои дӯстонаи байни ҳар ду кишвар аст.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
