Мулоқот дар МОИ «Суғд»
Душанбе, 23.12.2014. (АМИТ «Ховар», Лайло Тоирӣ).- Чанде пеш дар маъмурияти Минтақаи озоди иқтисодии «Суғд» мулоқот бо мушовири президенти Иттифоқи миллии роҳиоҳанчиёни Русия оид ба фаъолияти байналмилалӣ Александр Корчмарик баргузор гардид.
Тавре ки аз маркази матбуоти маъмурияти мазкур хабар доданд, дар мулоқот роҳбари маъмурияти МОИ «Суғд» Фирдавс Олимов ва кормандони гурӯҳи тарҳрезии стратегӣ ширкат доштанд. Манзур аз боздиди меҳмон шиносоӣ бо лоиҳаҳои сармоягузории маъмурият дар бахши боркашонии нақлиётӣ буд.
Роҳбари маъмурият аз рушду натоиҷ ва нақшаҳои ояндаи МОИ «Суғд» нақл карда, дар бораи лоиҳаҳои стратегӣ оид ба сохтмони маркази нақлиётӣ ва шохаи роҳи оҳан аз истгоҳи «Спитамен» то Маркази озоди иқтисодӣ муфассал сухан ронд.
Александр Корчмарик дар навбати худ аз фаъолияти Иттифоқи миллии роҳи оҳанчиёни Русия, ки корхонаҳои саноатии ҳамаи қаламрави Федератсияи Русияро муттаҳид месозад, нақл кард. Алҳол иттифоқи мазкур ба таҳияи ҳуҷҷатҳо барои ташкили бунёди навсозии шохаҳои роҳи оҳани Русия машғул аст. Мушовир имконоти зиёди МОИ «Суғд» — ро, ки метавонад соҳибкорону сармоягузорони Русияро ба вусъат бахшидани муомилоти мол бо Тоҷикистон ҷалб намояд, ба таври махсус зикр намуд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
