Мусобиқа барои дарёфти ҷоми «СССР»

 
Кӯлоб, 4.12.2014 (АМИТ  «Ховар», Сулаймони Хол).-Дар шаҳри Кўлоб мусобиқаи анъанавӣ барои дарёфти ҷоми рўзномаи «СССР» оғоз гардид. Шавкат Аҳмедов, директори техникии федератсияи футболи Тоҷикистон  гуфт,  ки  Ҷоми «СССР» инак соли шашум аст, ки бо ибтикор ва саҳмгузории рўзномаи «СССР» ва дастгирии Федератсияи футболи Тоҷикистон, Кумитаи ҷавонон, варзиш ва сайёҳии назди Ҳукумати ҶТ ва мақомоти иҷроияи ҳокимияти давлатиии шаҳри Кўлоб  гузаронида мешавад. Ҳадаф аз баргузории мусобиқаи мазкур қабл аз ҳама рушди футбол дар кишвар маҳсуб мешавад. Дар давоми шаш соли баргузории мусобиқа дар он даҳҳо дастаи наврасон аз шаҳру навоҳии мухталифи Тоҷикистон ширкат варзидаанд. Дар мусобиқаи имсола, ки маротибаи сеюм аст дар шаҳри Кўлоб баргузор мегардад, шаш даста, аз ҷумла, дастаи «Истиқлол» «Мактаби маҳорати олии варзиши ҷумҳурӣ», «Кўлоб 1» ва «Кўлоб 2», инчунин дастаи наврасони «Восеъ» ва «Муъминобод» ширкат варзид. 
Гуфта  мешавад  дар  ин  давр  ҷои  якум  ба  дастаи  «Равшан» ва  ҷои  дуюм  ба  дастаи  «Истиқлол»  насиб  гардид.