Нархи орд дар Бартанг бетағйир монд
Рӯшон 20.12.2014. (АМИТ «Ховар», Файз Мирасан).- Миқдори муайяни орд ва дигар маҳсулоти хӯрокворӣ бо нархи нисбатан арзон барои сокинони минтақаи дурдасти ҷамоати деҳоти Бартанг интиқол дода шуд. Ин иқдом бо ташаббуси Агентии давлатии захираҳои моддии назди Ҳукумати Ҷумҳурии Тоҷикистон ҷиҳати дар фасли зимистон таъмин будани сокинони ин мавзеъ бо маводи хӯрокворӣ рӯи даст гирифта шудааст.
Беш аз 20 тонна орд ва миқдори муайяни биринҷ аз маркази ноҳияи Рӯшон ба деҳаҳои дурдасти водии Бартанг интиқол дода шуд. Водии Бартанг аз маркази ноҳия дар масофаи беш аз 100 километр воқеъ буда ва мушкилоти ҳаракати нақлиёти автомобилӣ ба ин мавзеъ дар фасли зимистон душвор мегардад ва ин масъулини Агентии захираҳои моддии назди Ҳукумати Ҷумҳурии Тоҷикистонро водор сохт, то сокинони ин водиро бо ғизои зарурӣ сари вақт таъмин намоянд.
Бояд гуфт, ки қимати як халта орд ба ҷамоати дурдасти Савноб низ баробар ба 150 сомонӣ буда, он нисбат ба нархи бозори марказии вилоят то дараҷае арзонтар мебошад.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
