Нуқтаи нави тақсими шиносномаҳои биометрӣ ба шаҳрвандони ҶТ

Душанбе, 02.12.2014. (АМИТ «Ховар», Марҳабои Азамат).- Дар ҳудуди Русия боз як нуқтаи нави иловагии тақсими шиносномаҳои биометрии хориҷӣ ба шаҳрвандони Тоҷикистон кушода шуд.«Кормандони сафорати Ҷумҳурии Тоҷикистон дар Федератсияи Русия дар дафтари Консули фахрии Ҷумҳурии Тоҷикистон воқеъ дар шаҳри Санкт – Петербург ба кор шуруъ карданд. Онҳо барои тартиб додан ва супурдани шиносномаҳои биометрии хориҷӣ ба ҳамватанонамон ёрӣ мерасонанд», — гуфт намояндаи расмии сафорати ҶТ дар ФР Муҳаммад Эгамзод.Ба гуфтаи Муҳаммад Эгамзод, барои шинос кардани шаҳрвандони мо бо тартиби супурдани маълумотномаҳои консулӣ ва шиносномаҳои биометрӣ дар Хонаи миллатҳои шаҳри Санкт – Петербург вохӯрии дипломатҳои тоҷик бо роҳбарони ҷамоаҳои тоҷикон ва шаҳрвандони дар ин минтақа сукунатдоштаи ҶТ баргузор гардид. Дар ин маросим сардори раёсати хидматрасонии консулии Сарраёсати консулии ВКХ ҶТ Садбарг Ғаниева, роҳбари хадамоти консулии сафорати ҶТ дар ФР Ашраф Гулов, Консули фахрии ҶТ дар Санкт – Петербург Назар Мирзода, ҳамчунин намояндаи Вазорати меҳнат, шуғли аҳолӣ ва муҳоҷирати ҶТ дар Санкт – Петербург Қурбоналӣ Расулов иштирок ва сухан карданд.