Пешбарии номзадҳои ҲНИТ ба интихоботи парлумонӣ
Душанбе, 16.12.2014. (АМИТ «Ховар», Бекназари Абӯбакр). — Имрӯз дар шаҳри Душанбе Анҷумани XI Ҳизби Наҳзати Исломии Тоҷикистон (ҲНИТ) таҳти роҳбарии раиси он Муҳиддин Кабирӣ ҷиҳати пешбарии номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон ба ҳавзаи ягонаи умумиҷумҳуриявӣ баргузор гардид.
Дар анҷуман 28 нафар аъзои ҲНИТ ҳамчун номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардиданд.
Раиси ҲНИТ дар ин анҷуман сухан гуфта, аз ҷумла зикр дошт, ки дар даврони соҳибистиқлолӣ кишварамон душвориҳои зиёдеро пушти сар кард, ки бо сабаби надоштани таҷрибаи сиёсӣ ва дахолати бегонагон неруҳои асосии кишвар натавонистанд бо муколама ва ҳамдигарфаҳмӣ мушкилоти дохилиро ҳал намоянд. Бо лутфи Худованд ва хиради азалии миллати тоҷик, инчунин иродаву садоқати фарзандони асили миллат- Президенти Ҷумҳурии Тоҷикистон Эмомалӣ Раҳмон ва Роҳбари ИНОТ Устод Сайид Абдуллоҳи Нурӣ, огоҳиву ватандӯстии неруҳои сиёсии кишвар, миллат аз он бунбаст берун рафт ва пеши роҳи парокандагии миллат ва пошхӯрии давлат гирифта шуд.
Маврид ба зикр аст, ки дар анҷуман инчунин масоили мавриди таваҷҷуҳи вакилони ҳизб мавриди баррасӣ қарор гирифтанд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
