Пирӯзии дастаи «Динамо»-и ВКД дар Туркия

Душанбе, 18.12.2014. (АМИТ «Ховар», Муқаддас Темурзода).- Ҳафтаи равон дар шаҳри Ризеи Ҷумҳурии Туркия мусобиқаи байналмилалӣ оид ба гӯштини тарзи юнону румӣ баргузор гардид. Дар он варзишгарон аз давлатҳои Юнон, Гурҷистон, Туркманистон, Тоҷикистон ва Туркия иштирок намуданд.ВКД ҶТ хабар медиҳад, ки Ҷумҳурии Тоҷикистонро дар ин мусобиқаи сатҳи байналмилалӣ варзишгарон аз Шӯрои ҷумҳуриявии «Динамо»-и Вазорати корҳои дохилӣ: Хайём Назаров дар вазни 54 килограмм, Ҳусейн Саидов дар вазни 35 килограмм, Муҳаммади Қурбоналӣ дар вазни 38 килограмм ва Фирӯз Мирзораҷабов дар вазни 32 килограмм муаррифӣ намуданд. Наврасони номбурда бар рақибонашон дастболо гардида, соҳиби ҷойҳои намоён шуда, ба Ватан баргаштанд.Қобили зикр аст, ки наврасони варзишгар таҳти роҳбарии довари Шӯрои ҷумҳуриявии «Динамо»-и ВКД, подполковники милитсия Наврӯз Назаров пайваста тамрин менамоянд.