Пирӯзии варзишгари точик дар мусобиқаи самбои ҷаҳонӣ

Душанбе, 8.12.2014. (АМИТ “Ховар”, Ситораи Боймурод).- Варзишгари тоҷик Ардашер Исмоилов дар мусобиқаи қаҳрамонии самбои ҷаҳон байни донишҷӯён, ки дирӯз дар шаҳри Лимассоли Кипр баргузор гардид, дар рақобатҳо дар вазни 57 килограмм медали биринҷӣ ба даст овард. 
Тавре ки дар  ин бора Кумитаи миллии олимпии кишвар хабар додааст, дар мусобиқаи қаҳрамонии ҷаҳон байни донишҷӯён, ки рӯзи 7-уми декабр шурӯъ шуд,  100 варзишгар аз  22 кишвар ширкат доранд. Тоҷикистонро ба ҷуз Ардашер Исмоилов, Суруш Каримов (74 кг), Рашид Зиёбеков (82 кг) ва Хуршед Маҷидов (100 кг) намояндагӣ мекунанд.
Ёдовар мешавем, ки варзишгарони тоҷик дар  мусобиқаи қаҳрамонии самбои ҷаҳон миёни наврасони 14-16-сола, ки рӯзҳои 5-6-уми декабр дар шаҳри Лимассоли Кипр баргузор шуд, 4 медал (2 нуқра ва 2 биринҷӣ) ба даст оварданд.