Раиси шаҳри Сочи муҳоҷири тоҷикро қадр кард
Душанбе, 02.12.2014. (АМИТ «Ховар», Марҳабои Азамат).- Шаҳри фароғатгоҳии Сочи сафири Тоҷикистон дар ФР Имомуддин Сатторовро, ки сафари расмиашро ба кишвари Краснодар анҷом медиҳад, самимона истиқбол кард.Муовини раиси шаҳри Сочи Николай Пелих ба сафири Тоҷикистон барои меҳнати поквиҷдононаи муҳоҷирон — сохтмончиёни Тоҷикистон изҳори миннатдорӣ кард. Дар ин бора намояндаи расмии сафорати ҶТ дар ФР ба АМИТ «Ховар» хабар дод.Николай Пелих зимни суханрониаш зикр намуд, ки сохтмончиёни тоҷик ба бунёди иншоотҳои олимпӣ саҳми бузург гузоштаанд. «Коргарони поквиҷдону меҳнатдӯсти Тоҷикистон якҷоя бо мутахассисони мо иншоотҳои варзишӣ ва инфрасохторҳои дигари шаҳри олимпии Сочиро бунёд кардаанд, ки онҳо як умр чун иншоотҳои шаъну шарафи варзишӣ ва ифтихори Русия боқӣ мемонанд», — гуфт муовини раиси шаҳр.Назар ба гуфтаи манбаъ, роҳбарияти шаҳри Сочи сафир ва ҳамсафарони ӯро бо иншоотҳои олимпӣ, маҷмааи лижаронӣ ва ҷойҳои дигари шоёни диққати округи ҷанубии Федератсияи Русия шинос кард.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
