Шиносоии Қ. Расулзода бо корҳои сохтмонӣ дар роҳи оҳани Душанбе-Қўрғонтеппа
Душанбе, 09.12.2014 (АМИТ “Ховар”, Фарзонаи Давлат).- Имрўз Сарвазири мамлакат Қоҳир Расулзода бо ҷараёни корҳои сохтмонӣ дар роҳи оҳани Душанбе-Қўрғонтеппа, қитъаи Ваҳдат- Ёвон шинос шуд.
Таъкид кардан ба маврид аст, ки дар сохтмони роҳи оҳани қитъаи Ваҳдат- Ёвон дар давоми 11 моҳи соли равон ба маблағи беш аз 56 млн сомонӣ корҳо ба анҷом расонида шуда, шумораи коргарону мутахассисони ин иншоот 375 нафарро ташкил медиҳад. Танҳо дар давоми як моҳи охир дар ин қитъа дар масофаи беш аз 1,4 км қисмати болои роҳи оҳан васл гардида, омода шудааст. Иҷрои корҳои гуногуни сохтмонӣ, аз қабили лоиҳакашию таҳқиқотӣ-геологӣ, корҳои тахту ҳамворсозӣ ва омодасозии мавзеъҳои бунёди роҳ бо маром имода дошта, дар қитъаҳои алоҳида, аз ҷумла дар минтақаи бунёди нақбу кӯпрукҳо корҳои тахту ҳамворсозӣ ва омодасозии қитъаҳо барои бунёди роҳ ва дар қитъаҳои шароити мураккабу кўҳсор корҳои геологию таркишӣ ба нақша гирифта шудаанд.
Дар давоми 11 моҳи сипаришудаи соли ҷорӣ ҷамъан дар масофаи 2,4 километр корҳои васлнамоии қисмати болоии роҳ, ба андозаи як миллиону 778 ҳазору 482 метри мукааб корҳои заминӣ ва дар ҳаҷми беш аз 843 ҳазор метри мукааб корҳои таркишӣ анҷом дода шудаанд.
Ҳайати ҳукумати мамлакат дар қитъаҳои асосии сохтмони роҳ, шуруъ аз истгоҳи Ваҳдат то ба самти истгоҳи Ёвон бо ҷараёни корҳои анҷомдодашудаи роҳсозӣ шинос шуд. Аснои шиносоии Сарвазири мамлакат бо корҳои сохтмонӣ дар қитъаҳои алоҳидаи сохтмонӣ ба роҳсозону мутахассисони соҳа барои иҷрои саривақтӣ ва босифати корҳои пешбинишуда дастуру маслиҳатҳо дода шуданд.
Ҷараёни шиносоии ҳайати ҳукумати мамлакат аз қитъаи Ваҳдат- Ёвони роҳи оҳани Душанбе- Қўрғонтеппа дар ситоди сайёри корӣ дар ҳузури Сарвазири мамлакат Қоҳир Расулзода натиҷагирӣ шуд. Дар ситод роҳбарияти вазорату идораҳои дахлдор, ташкилоту муассисаҳои сохтмонӣ, роҳсозону мутахассисони соҳа вазифадор шуданд, ки иҷрои босифат ва саривақтии ҳаҷми корҳои роҳсозиро афзун намуда, ҷиҳати оғози корҳои сохтмонӣ дар нақбу пулҳои пешбинишуда тадбирҳои зарурӣ андешанд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
