Шиносоии М. Ҷабборӣ аз рафти корҳои омодагии 3000-солагии Ҳисор
Душанбе, 5.12.2014. (АМИТ «Ховар»). — Дар доираи дастуру супоришҳои Президенти Ҷумҳурии Тоҷикистон Эмомалӣ Раҳмон субҳи имрўз гурўҳи кории Ҳукумати Ҷумҳурии Тоҷикистон ва вазорату идораҳои дахлдор бо роҳбарии муовини Сарвазири Ҷумҳурии Тоҷикистон Марҳабо Ҷабборӣ бо мақсади шиносоӣ аз вазъи муассисаҳои иҷтимоӣ ва рафти корҳои созандагиву бунёдкорӣ, инчунин сохтмони иншоотҳои ҷашнӣ бахшида ба 3000-солагии Ҳисор аз ноҳияи Ҳисор боздид ба амал оварданд.Зимни шиносоӣ аз муассисаҳои таълимӣ, тандурустӣ, фарҳангӣ ва дигар соҳаҳои марбута масъалаҳои омодагӣ ба фасли зимистон, сатҳ ва сифати таълиму тарбия ва хизматрасонӣ мавриди баррасӣ қарор гирифта, дар мақомоти иҷроияи ҳокимияти давлатии ноҳияи Ҳисор бо масъулини соҳаҳо вобаста ба натиҷаи боздид ҷаласаи корӣ баргузор гардид.Ҳамзамон, роҷеъ ба дастовардҳои замони истиқлолият, пешравию созандагӣ ва дар сатҳи баланди ташкиливу сиёсӣ доир намудани маъракаҳои муҳими дар пешистода, махсусан ҷашни 3000-солагии Ҳисори шодмон, масъалаҳои мубрами ҷомеа, махсусан гароиши ҷавонон ба ҳизбу ҳаракатҳои ифротгаро мулоқоти гурўҳи корӣ бо фаъолони ноҳия доир гардид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






