Шоҳҷоизаи гӯштигири ҷавони тоҷик

Душанбе,  24.12.2014. (АМИТ «Ховар»).- Гӯштигири  тарзи  дзюдои тоҷик  Сулаймони  Ҷамшед  дар мусобиқоти байни кӯдакону наврасон  барои  дарёфти шоҳҷоизаи «Витяз»,  ки  дар  шаҳри  Барнаули Федератсияи  Русия  баргузор гардид,  медали тилло  ба  даст овард. 
Тавре  ки  аз Кумитаи  миллии олимпии  Тоҷикистон  хабар  доданд, Сулаймон, ки  шогирди  мураббӣ  Ҳамзалӣ Раҳматов  мебошад,  дар вохӯрии  ниҳоӣ дар  вазни  50  килограмм Ерболат Рамазоновро (аз  Қазоқистон)  мағлуб  сохт.
Дар  ин  мусобиқот, ки  аз  19  то  21  декабр  дар  Маҷмааи варзишии  «Победа»  баргузор  гардид, 240  нафар  варзишгарони ҷавони  Русия, Қазоқистон  ва  Тоҷикистон  аз  рӯи даҳ  намуди  вазн қувваозмоӣ  намуданд.
Ғолибони  мусобиқа бо ифтихорнома, медалу  ҷомҳо ва тӯҳфаҳои  хотиравӣ  қадр  карда  шуданд.