Суғд: Курсҳои бозомӯзӣ барои омӯзгорон
Душанбе, 13.12.2014. (АМИТ “Ховар”, Ситораи Боймурод).- Дар Донишкадаи такмили ихтисос ва бозомӯзии кормандони соҳаи маорифи вилояти Суғд натиҷаи фаъолияти кормандони донишкада ва кабинети методии шуъбаҳои маорифи шаҳру ноҳияҳо дар таҳияи дастур ва тавсияҳои методӣ, омӯзиш, ҷамъбаст ва паҳн намудани таҷрибаи пешқадами педагогӣ, ташкили курсҳои такмили ихтисоси кормандони соҳа марвиди таҳлил қарор дода шуд.
Тавре ки дар ин бора Хадамоти матбуоти раиси вилояти Суғд хабар додааст, дар давоми соли ҷорӣ аз тарафи мушовирону омӯзгорони пешқадами муассисаҳои таълимии шаҳру ноҳияҳои вилоят 21 номгӯ дастуру тавсияҳои методӣ барои омӯзгорони фанҳои гуногун омода гардида, аз ҷониби Шӯрои илмӣ-методии донишкада ба чоп пешниҳод гардид. Дар ин муддат таҷрибаи пешқадами 69 нафар омӯзгор омӯхта шуда, то ҳол таҷрибаи 38 нафар ҷамъбаст ва паҳн шуд.
Гуфта мешавад, ки дар давоми сол гузаронидани 245 курси такмили ихтисоси вилоятӣ ва шаҳриву ноҳиявӣ бо фарогирии 5555 нафар корманди соҳа ба нақша гирифта шуда, бо талабу дархост ва пешниҳоди шуъбаҳои маориф 300 курс бо иштироки 6965 нафар корманди соҳа гузаронида шуд, ки 126%-и нақшаи солонаро ташкил медиҳад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
