Тақвими бозиҳои Ҷоми АФК-2015 тасдиқ шуд
Душанбе, 15.12.2014. (АМИТ “Ховар”. Ситораи Боймурод).-Конфедератсияи футболи Осиё тақвими бозиҳои даври гурӯҳии Ҷоми АФК-2015-ро тасдиқ кард. Тавре ки дар ин бора Кумитаи миллии олимпии кишвар хабар додааст, тақвими бозиҳои даври гурӯҳии Ҷоми АФК-2015, ки дар он «Истиқлол”-и Душанбе қаҳрамони Тоҷикистон тасдиқ шуд. Гуфта мешавад, ки «Истиқлол» ба даври гурӯҳии мусобиқа аз бозӣ дар майдони худ муқобили «Эрбил”-и Ироқ, финалисти мусобиқаи порсолаи Ҷоми АФК шурӯъ хоҳад кард. Ин бозӣ 25-уми феврал дар Варзишгоҳи марказии шаҳри Душанбе баргузор мешавад. Бозии хотимавии «Истиқлол” дар майдони худ бо ғолиби плей-оффи 1 — ё «Фанҷа»-и Уммон ё «Аҳал»-и Туркманистон ё «Дордой»-и Қирғизистон- 13-уми май доир хоҳад шуд.Дастаи «Хайр»-и Ваҳдат, ҷоизадори нуқраи мусобиқаи имсолаи қаҳрамонии Тоҷикистон, дар мавриди пирӯзӣ дар даври аввали плей-офф бозиашро дар марҳилаи гурӯҳӣ дар меҳмонӣ бо тими «Ал-Ваҳдат» ё «Зат Рас»-и Урдун 24-уми феврал шурӯъ мекунад.