Ёде аз академики шинохта Олег Доброволский

Душанбе, 3.12.2014. (АМИТ «Ховар», Лайло Тоирӣ). -4 декабри соли 2014 дар Академияи илмҳо бахшида ба 100-солагии академики Академияи илмҳои Ҷумҳурии Тоҷикистон, астрофизики шинохтаи ҷаҳон Олег Доброволский конфронси илмии байналмиллалӣ доир мегардад. Бино ба иттилои Академияи илмҳои ҶТ, дар конфронс олимони шинохта, астрофизикону шогирдони Олег Доброволский ширкат хоҳанд кард. Дар назар аст, ки дар он ҳамчунин яке аз шогирдони ӯ, кашшофи ситораи думдори Чурюмов-Герсименко, сарходими илмии Институти астрофизикаи Академияи илмҳо Светлана Герасименко маърӯза кунад. Бояд гуфт, ки Олег Доброволский астрономи шинохтаи советӣ буда, 29 ноябр (12 декабр)-и соли 1914 дар Запорожйе таваллуд шудааст. Соли 1937 Донишгоҳи шаҳри Киев ва соли 1941 аспирантураро хатм намудааст. Шуруъ аз соли 1941 дар Институти астрофизикаи АИ Тоҷикистон фаъолият намуда, аз соли 1946 мудири шуъбаи шинохти ситораи думдор, солҳои 1971-1977 ба ҳайси директори ин институт кор кардааст. Хотиррасон мекунем, ки соли 1970 таҳти роҳбарии ӯ навбати дуюми расадхонаи Ҳисор ва расадхонаи баландкӯҳи Санглох сохта шуд.Корҳои илмии О. Доброволский ба ситораи думдор ва метеорҳо, омори ситораҳо ва тағйири ситораҳо бахшида шудаанд.