Занон-зидди терроризм

Душанбе, 24.12.2014. (АМИТ «Ховар», Лайло Тоирӣ). — Кумитаи кор бо занон ва оилаи назди Ҳукумати Ҷумҳурии Тоҷикистон ҳамлаи гурӯҳи пешвои толибонро ба яке аз муассисаҳои таълимии шаҳри Пешовари Покистон, ки дар он беш аз 150 талабаро ваҳшиёна ба қатл расониданд ва қатли бераҳмонаи 150 нафар занони ҳомила, бахшандаи ҳаёти ҷовидонаи инсонӣ ва ҷавондухтарони ноболиғро, ки дар шаҳри Қоҳираи Арабистон зинда ба гӯр кардаанд, шадидан маҳкум менамояд.
Ҳамзамон вобаста ба ин амали нангин, ки фоҷеабортарин ҳамлаи террористӣ дар таърихи башарият маҳсуб ёфта, нишони ваҳшонияти ашхоси бемазҳабу беватан мебошад, аз  17  то 19 декабр  дар шаҳру навоҳии вилояти Суғд ва минтақаи Рашт вохӯрию суҳбатҳо баргузор шуданд ва зимни онҳо варақаҳои иттилоотии «Занон зидди терроризм» паҳн гардид.
Дар ин бора ба АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон иттилоъ доданд.