«Зиндагӣ ширин, эй ҷавон»-муаррифӣ
Душанбе, 16.12.2014. (АМИТ “Ховар”, Ситораи Боймурод).- Дар Китобхонаи вилоятии оммавии ба номи Тошхоҷа Асирии шаҳри Хуҷанд китоби тозанашри адиби ҷавон, ҳуқуқшинос ва рўзноманигор Юсуфҷон Маюсуфов бо номи «Зиндагӣ ширин, эй ҷавон» муаррифӣ гардид.Тавре ки дар ин бора хадамоти матбуоти раиси вилояти Суғд хабар додааст, дар маросими муаррифӣ адибони маъруфи вилоят ва устодону донишҷўёни Донишгоҳи давлатии ҳуқуқ, бизнес ва сиёсати Тоҷикистон, Донишгоҳи давлатии Хуҷанд ба номи академик Бобоҷон Ғафуров иштирок намуданд.Гуфта мешавад, ки китоби «Зиндагӣ ширин, эй ҷавон» ба мавзўи мубрами рўз- худкушӣ бахшида шудааст. Дар китоб сабабҳои даст ба худкушӣ задан ва роҳҳои пешгирии онро муаллиф возеҳ баён кардааст, ки хонандаро ба худшиносӣ, расидан ба қадри ҳаёт ва зиндагии хубу осоишта ҳидоят мекунад.