Қадрдонии корҳои эҷодии ихтироъкорони оянда

Душанбе, 29.01.2015. (АМИТ “Ховар”, Мавҷуда Анварӣ).- Бо мақсади тақвият бахшидани завқу шавқи хонандагон ба омӯзиши илму техника, ихтироъкориву навоварӣ ва ташаккули тафаккури техникии онҳо дар шаҳри Хуҷанд озмуни шаҳрии «Техникони наврас» гузаронида шуд. 
Дар озмун аз 15 муассисаи таълимии шаҳр 201 нафар хонанда ширкат варзида, корҳои амалию эҷодии хешро пешниҳод намуд.
Ҳайати доварон корҳои иштирокчиёнро аз назар гузаронид ва дар бахши радиоконструкторӣ Шероз Бердиев, Мубин Акашехов Мирзобахтиёр Ҳомидов сазовори ҷойҳои якум, дуюм ва сеюм гардиданд.
Дар бахши авиамоделӣ Фаридун Шамсиев, Баҳодур Абдуллоев, Маъруф Файзуллоҷонов сазовори се мақоми аввал гаштанд. Дар бахши мошинаи ояндаи коинот Азиза Муродова,  Азимҷон Иброҳимов, Илҳом Раҳимов мақоми аввалу дуюму сеюмро соҳиб гардиданд. Дар бахши киштии ояндаи обӣ Ғайратҷон Дӯстматов, Дилшод Ӯлмасов, Исломиддин Таваккалзода се ҷойи аввалро созовор гардиданд. Абдуғафур Орифбоев, Макнуна Саидова, Саидаъзам Атоев мақоми якум, дуюм ва сеюмро дар  бахши автомоделӣ мушарраф гаштанд.
Дар бахши ҳимояи шаҳри оянда Парвина Бобокалонова, Амирҷон Аминов сазовори мақоми якум ва дуюм, Наҷибулло Бадалов ва Дилшод Ҳакимов соҳиби ҷойи сеюм ва дар бахши ихтироъкорӣ Комилҷон Раҳимов  мақоми аввал, Фаридун Муҳиддинов ҷойи дуюм, Ҷаъфархон Почоев ва Низомиддин Олимов мақоми сеюмро мушарраф гаштанд.
Дар ҷамъбасти озмун мудири шуъбаи маорифи шаҳри Хуҷанд Саидмухтор Ҷалолов ғолибони озмунро табрик гуфта, таъкид кард, мо бояд аз бурду бохти шогирдон хулоса бардошта, корҳои эҷодӣ ва амалии онҳоро то ба ҳадди ниҳоӣ расонем.