Қоидаҳои нави сафар ба Русия
Душанбе, 02.01.2015. (АМИТ «Ховар», Марҳабои Азамат). — Назар ба иттилои Сафорати Ҷумҳурии Тоҷикистон дар ФР, сар аз 1 январи соли 2015 шаҳрвандони кишварамон метавонанд дар асоси шиносномаҳои хориҷӣ ба Федератсияи Русия раванд, зеро дар Русия қонуни сафар фақат бо шиносномаҳои хориҷӣ барои шаҳрвандони кишварҳои ИДМ ба мавқеи иҷро расидааст.
Ба гуфтаи намояндаи расмии Сафорати Тоҷикистон дар Федератсияи Русия Муҳаммад Эгамзод, «Сафорати Ҷумҳурии Тоҷикистон дар ин самт кори зиёдеро анҷом медиҳад. Кормандони сафорат ба манзури шинос намудани шаҳрвандони Тоҷикистон бо қоидаҳои нав ва иҷрои корҳои тавзеҳотӣ дар минтақаҳо бо ҳамватанон ва фаъолони гурӯҳҳои сохтмончиёни тоҷик вохӯрданд. Мувофиқи қарори роҳбарияти ВКХ ҶТ сафорат дар шаҳрҳои Маскав, Екатеринбург ва Уфа, ки дар онҳо намояндагиҳои расмии дипломатии ҶТ дар ФР фаъолият доранд, ҳамчунин дар дафтарҳои Консулҳои фахрии ҶТ дар Краснодар ва Санкт — Петербург нуқтаҳои иловагии додани шиносномаҳо кушодааст.
«Мо ҳамчунин дар бисёр вилоятҳои калон, аз қабили Твер, Ярославл, Липетск, шаҳрҳои Сибир ва Шарқи Дур гурӯҳу комиссияҳои сайёр таъсис додаем, ки ба додани шиносномаҳои хориҷӣ машғуланд. Онҳое, ки пеш аз Соли Нав бинобар вазъияти иқтисодию молиявии Русия аз ин кишвар рафтаанд, метавонанд дар Тоҷикистон шиносномаҳои биометрии хориҷӣ гиранд. Дар Тоҷикистон беш аз сад нуқтаи танзиму супурдани шиносномаҳои хориҷӣ фаъолият доранд.
Он шаҳрвандони тоҷикистонии муқими Федератсияи Русия, ки ҳанӯз шиносномаҳои хориҷӣ нагирифтаанд, метавонанд дар давоми сол ба Сафорати ҶТ дар Маскав, консулгариҳои генералӣ воқеъ дар шаҳрҳои Уфа ва Екатеринбург, ҳамчунин ба нуқтаҳои иловагии воқеъ дар Краснодар ва Санкт — Петербург муроҷиат кунанд.
Шаҳрвандони тоҷикистоние, ки то 1 январи соли 2015 мувофиқи шиносномаҳои дохилӣ вориди қаламрави ФР шудаанд, метавонанд дар сурати нуқсон надоштани ҳамаи ҳуҷҷатҳояшон дар ин кишвар зиндагӣ ва кор кунанд», — гуфт Муҳаммад Эгамзод.
Дар қисми низомӣ дар вилояти Суғд Рӯзи дарҳои кушод доир гардид
«КОРВОНИ ДИДОР». Бахшида ба рӯзи Қувваҳои Мусаллаҳи Ҷумҳурии Тоҷикистон дар ноҳияи Шоҳмансур ҳамоиши тантанавӣ доир шуд
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
