120 ҳазор сомонӣ барои намоишномаи беҳтарин дар мавзӯи оила
Душанбе, 30.01.2015. (АМИТ “Ховар”, Мавҷуда Анварӣ).- Дар доираи эълон гардидани «Соли оила» аз ҷониби Сарвари давлат Эмомалӣ Раҳмон дар байни театрҳои касбиву халқии вилояти Сугд озмуни намоишномаи беҳтарин дар мавзӯи оила гузаронида шуда, он дар арафаи ҷашни Истиқлолияти давлатӣ ҷамъбаст мешавад. Намоишномаҳои беҳтарин бо мукофотҳои пулии мақомоти иҷроияи ҳокимияти давлатии вилоят, ки дар маҷмӯъ зиёда аз 120 ҳазор сомонӣ мебошад, сарфароз мегарданд.
Ин нукта зимни мулоқоти раиси вилоят Абдураҳмон Қодирӣ, ки бо намояндагони аҳли фарҳанги вилоят 29 январ дар Кохи Рӯдакии шаҳри Хуҷанд доир гардид, таъкид шуд.
«Ҳадаф аз мулоқоти рӯбарӯ бо аҳли фарҳанги вилоят боло бардоштани мақоми соҳаи фарҳанг дар тамоми шаҳру навоҳӣ, огоҳӣ аз вазъи кунунӣ ва тақвият бахшидани маърифатнокии шаҳрвандон ба ҳисоб меравад» — таъкид дошт, раиси вилоят.
Ҳамзамон раиси вилоят аз фаъолияти шӯрои бадеии вилоятӣ изҳори нигаронӣ намуда, хостори тақвияти кори шӯро ва назорати доимии суруду оҳангҳои тозаэҷод шуд. Дастур дода шуд, ки аз ҷониби ҳунармандони касбӣ намоишномаву саҳнаҳои тарбиявӣ омода шаванд.
Дар ин бора аз Хадамоти матбуоти раиси вилояти Суғд иттилоъ доданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
