Ҳаҷми боркашонӣ 19,8 миллион тоннаро ташкил дод

Душанбе,  27.01.2015. (АМИТ «Ховар», Кристина  Эрлих).-  Соли  2014 ҳаҷми   боркашонӣ  тавассути  нақлиёти  истифодаи  умумӣ 19,8  миллион  тоннаро ташкил дод, ки  нисбат ба  ҳамин  давраи  соли  2013 –ум  8,2  фоиз зиёд  аст,  гуфт  вазири  нақлиёти  ҶТ  Хайрулло  Асозода дар  ҷараёни  нишасти  матбуотӣ, ки  26  январ  баргузор гардид.
Ба  гуфтаи  мавсуф, дар  ин  муддат  соҳаи  нақлиёт ба 192,5  миллион  нафар  мусофирон   хидмат расонид, ки  ин  нисбат ба  ҳамин  давраи  соли  2013 баробари 10,6  фоиз  зиёд  аст. 
Соли  гузашта  тавассути  нақлиёти  автомобилӣ 191  миллион  нафар  мусофирон,  нақлиёти  хавоӣ 1,1  миллион  ва  тавассути  нақлиёти  роҳи  оҳан  беш  аз 455 ҳазор  нафар  мусофирон интиқол  дода шуданд.
Дар  нишасти  матбуотӣ  ҳамчунин зикр  шуд, ки нақлиёти  байналмилалии  автомобилӣ  бо  иштироки 40  ширкати  дуру  наздик ва ширкатҳои  кишвар  1,4  миллион  тонна  бор  кашонида,  ба  беш  аз  128  ҳазор  нафар  мусофирон  хидмат расонид,  ки  ин  нисбат ба  ҳамин  давраи  соли  2013 таносубан  баробари 21,7 ва 36,2  фоиз  зиёд  аст.