Ҳуқуқи инсон дар соҳаи ҳифзи саломатӣ

Душанбе, 19.01.2015. (АМИТ «Ховар», Лайло Тоирӣ).-Бо ташаббуси Маркази таълимии судяҳо дар назди Шўрои адлияи Ҷумҳурии Тоҷикистон роҳнамои амалӣ  «Ҳуқуқи инсон дар соҳаи ҳифзи саломатӣ»  ба нашр расид, ки дар он ҳуқуқ ва уҳдадории беморон ва кормандони тибб, шакл ва тарзҳои ҳимояи онҳо дар сатҳи байналмилалӣ, аврупоӣ ва миллӣ баён гардида, масъалаҳои гузаронидани ташхиси тиббӣ баррасӣ шудааст.
Тибқи иттилои хадамоти матбуоти Шӯрои адлияи ҶТ, роҳнамо муқаррароти конститутсионӣ, меъёрҳои қонунҳо ва санадҳои зерқонуниро оид ба ҳуқуқ ва уҳдадориҳо (ба мисолҳои амалии риояи онҳо, маслиҳатҳо оид ба фаҳмиши ҳуқуқ, амалисозии ҳуқуқ ва татбиқи ҳуқуқ) дар соҳаи тандурустиро дар бар гирифтааст. Дар он намунаи ҳуҷҷатҳои мурофиавӣ, рўйхати адабиёти тавсияшаванда, маълумотнома ва луғати  тафсирӣ (ислоҳоти байналмилалӣ ва миллӣ) оварда шудааст.
Нашрияи мазкур ба чоп расида, барои ҳуқуқшиносон, кормандони тибб, кормандони низомии тандурустӣ, инчунин худи беморон нигаронида шудааст.