А. Ғоиб: Тафтиши 549 парвандаи ҷиноятӣ ба итмом расид

Душанбе, 26.01.2015. (АМИТ «Ховар», Муқаддас Темурзода). -«Дар давоми 12 моҳи соли 2014 аз ҷониби муфаттишони Агентии назорати давлатии молиявӣ ва мубориза бо коррупсияи Ҷумҳурии Тоҷикистон  770 парвандаи  ҷиноятӣ ба истеҳсолот қабул шуда, тафтиши 549 парвандаи ҷиноятиро нисбат ба 649 нафар ба итмом расониданд, ки аз ин ҳисоб тафтиши 423 парвандаи ҷиноятӣ нисбат ба 505 нафар бо тартиб додани фикри айбдоркунӣ ба анҷом расонида шуда, барои ба суд ирсол намудан ба прокуратура пешниҳод шудааст»,- изҳор дошт директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Абдуфаттоҳи Ғоиб имрӯз зимни нишасти матбуотӣ ба хабарнигорон.  
Вай ҳамчунин зикр намуд, ки дар ин давра кормандони агентӣ фаъолияти худро дар самти пешгирии коррупсия боз ҳам тақвият бахшида, 900 адад ҳуқуқвайронкуниҳои маъмурии бо коррупсия алоқамандро ошкор карданд, ки дар натиҷа ба маблағи умумии 747,2 ҳазор сомонӣ ҷарима татбиқ шуда, аз ин маблағ то давраи ҳисоботӣ 722,3 ҳазор сомонӣ ба буҷети давлат ворид  шудааст.