Афзоиши истеҳсоли маҳсулоти саноатӣ

  Ҳамадонӣ, 31.01.2015. (АМИТ «Ховар», Сулаймони Хол)-Дар ноҳияи Ҳамадонӣ  дар соли 2014  дар ҳамаи соҳаҳо  ва бахшҳои  истеҳсолӣ  пешравиҳо таъмин гардида, дар давраи ҳисоботӣ  дар ноҳия 22 корхонаи калон  ва 25  корхонаи хурди  саноатӣ фаъолият кард. Дар ин бора раиси ноҳия Қодир Валиев зимни нишасти матбуотӣ хабар дод. Зикр шуд, ки  ҳаҷми истеҳсоли  маҳсулоти саноатӣ  нисбат ба соли 2013-ум 102,6 % зиёд  гардид. Гуфта мешавад  дар ноҳия  истеҳсоли  нахи пахта  ба 2202 тонна, нон 733 тонна, равғани растанӣ  160 тонна, намак 3051 тонна,  орд ба 6719,7 тонна расонида шуд, ки нисбат ба ҳамин давраи соли гузашта зиёд аст.